الثلاثاء، 18 يونيو 2013

ربطات حجاب بالفيديو



ربطات حجاب شيك جدااااا وفى منتهى السهوله.

طريقة عمل الكفته


بنسميها كفته والاجانب بيقولو عليها كباب .. المهم انها من اطعم و أوفر انواع اللحوم .
سندوتشات عشا تنفع .. جنب مكرونه شغاااال.. معرفش حد مبيحبهاش.

المكونات والطريقه :
نصف كيلو جرام لحم مفروم + ا بصله كبيره مفرومه او مبشوره ( المهم تكون ناعمه) + ملح + فلفل + بهارات + بودرة بصل وثوم + 2 ملعقه كبيره دقيق. 



ندمج كله مع بعضه .



 نشكلها ( نصبعها )على سيخ.. انا بعملها على يد معلقه خشب. 
ونرصها فى صينيه مدهونه ماده دهنيه .. او نشويها على الفحم.

*فى المرحله دى ممكن ندخلها الفريزر ونطلعها تفك ونسويها عادى.. وممكن نخزنها قبل التشكيل وعند الاستخدام نتركها تذوب تماما ونشكلها مثلا كرات لعمل داود باشا او كرات اللحم مع المكرونه ( spaghetti with meatballs).



ندخلها الفرن من ربع ل ثلث ساعه .. او على شعلة البوتجاز من فوق على نار عاليه 5 دقايق ونقلبها على الجهه الاخرى 2 دقيقه .
ثم نقدمها مع سلطه طحينه او ثوميه او سلطة زبادى .
***الصوصات المقدمه مع الطبق هى كاتشب .. مسطرده ... والصوص الأخضر...طحينه .. عملتها فى الخلاط مع اوراق الجرجير وممكن بقدونس او كسبره لتعطى اللون الاخضر. فكره نميسه مش كده ؟؟ هههههه



وبألف هنا.

طريقه عمل البصاره


أكله مصري أصلى ... 

المكونات:
1 ونص كوب فول مدشوش( مقشر ) - 2 بصله متوسطه - اكوب شبت+بقدونس+كسبره
1ماعقه صغيره نعناع جاف + ملح +كمون 


 انا استخدمت خضره مجمده مش طازجه.


كل المكونات مع بعض + كمية ماء تكون اعلى من الفول حوالى 3 سم.


 نتركهم على نار متوسطه حتى تمام نضج الفول .


 نطحنهم فى الخلاط . بيكون سُمكها زى البشامل. 


فى وصفات بيضعوها على النار مره اخرى .. لكن انا بستسهل وبقدمها فى الأطباق من الخلاط مباشرة ( لو كانت خفيفه نضعها على النار مره اخرى ونقلبها حتى تتقل )  .
نزينها ببصل محمر انا بطحن جزء منه بعد التحمير علشان يبقى ناعم واقدر ازين بيه الأطباق بهذا الشكل.


نقدمها مع طماطم متبله بثوم مفروم + ملح + كمون +ليمون + خل +زيت.


وبألف هنا.

طريقة تنظيف البوتاجاز ( الموقد ) بالصور



من اسخف الاشياء فى المطبخ تنظيف البوتجاز .. لكن لو اتعمل بانتظام هيكون سهل جدااا.. يعنى المفروض انه لا يصل للمرحله التى سنراها هنا لكن يتنظف اول بأول.
-انا بستخدم مستر ماسل لتنظيف البوتجاز بجد رااااااااااائع .. بيسهل الشغل جدا ومش بحتاج دعك ( فرك ) كتير .
لكنه لا يستخدم مع عيون البوتجاز لأنه بيطفى لمعتها .. لذلك بعملها خلطة مسحوق سائل للصحون + كربونات ( بيكنج صودا ) وماء ساخن لدرجة الغليان.

 ** ملاحظه هااااااااامه جداااااااااا ..يجب ارتداء جوانتى ( قفازات ) اثناء العمل  
   و   خاصة مع منظفات قويه مثل مستر ماسل .. وحتى لو لم يتم استخدامه يجب 
   ارتداء القفاز للحفاظ على يدك .

الصور هتوضح الخطوات...

هنا شكل البوتجاز قبل التظيف .المفروض انه لا يصل للمرحله دى . المفروض تنظيف يومى ومسح اى شئ يقع عليه أول بأول .. انا تركته بالمنظر ده علشان يبان الفرق فى الصور.



هنا نقعت كل العيون فى خليط الصابون السائل والكربونات والماء المغلى وتركتهم حوالى ربع ساعه.

 وهنا خرجتها من الماء علشان نبدأ الشغل .. 
* العين لاتزال ساخنه من حرارة الماء وده مطلوب لسهولة التنظيف.


 طبعا واضحه البقع ..


 وهنا هنبدأ ندعكها بالسلك..


 بحركه بسيطه جدا نضفت بالشكل ده.


 وهنا كملتها كلها.


 وهنا واحده تانيه .. زيادة تأكيد .


 طبعا الفرق واضح.


وده شكلهم بعد الشطف جيدا والتجفيف


 نبدأ فى سطح البوتجاز والحوامل .. انا بضع مستر ماسل عليه كله .. لو مستر ماسل غير متاح بالصابون العادى بس هياخد مجهود اكتر.


 انا بغسل الحوامل وهى على البوتجاز بتكون اسهل كتير .وبعد ما ادعكها كويس اشطفها فى الحوض .


وهنا بوقفها علشان ادعك الجهه الخلفيه


اثناء دعك الحوامل وشطفها بتكون كل الدهون ذابت .


 بحركه بسيطه بالليفه بينضف بالشكل ده . 


 هنا بعد ما دعكت كل البوتجاز.


 لشطف سطح البوتجاز ..يجب اولا مسح اثار الاوساخ والصابون بمناديل المطبخ او فوطه شرط انها تكون جافه .. الخطوه دى هتسهل الموضوع جداااااااااااااااااااااا.

هنا انا مسحت بمنديل جاف فقط .. ولسه هنضف تانى بفوطه مبلوله وبعدها اجففه.


 بعتذر ان الصوره مائله .. هنا زجاج البوتجاز وكل ما اصوره اظهر انا فى الصوره فقلت اصورها بميل بدل ما تتخضوا هههههه.


 كررت نفس الخطوات السابقه.. مسحته بمستر ماسل و فوطه جافه وبعدها فوطه مبلوله واخيرا جففته.

 وهنا شكله بعد التنظيف والتجفيف.


فاكرين شكله فى الأول ..بلاش احسن 


نظفت العين من الداخل .. حاجات صغيره بس بتفرق فى النفسيه كتير.


احنا بنسميها الطربوش .. لو اسمها عندك مش كده يبقى شوفى الصوره وهيا البتاعه دى بننقعها فى صابون سائل وخل .


 وندعكها بالسلك.





 وأخيراااااااااا.





 ولا ننسى جوانب البوتجاز. لازم تبقى مرايه.


وطبعا المقابض .. ودى لازم يوميا تتطهر بفوطه نظيفه وشوية خل او ديتول او مستر ماسل الأبيض. 






حمدا لله على السلامه.

الاثنين، 17 يونيو 2013

طريقة عمل محشى ورق العنب


تجهيز وحشو فى ساعتين ويتاكل فى دقيقتين.. بس طعم روعه ويستاهل الوقفه والتعب.

طريقة تجهيز ورق العنب للحشو هنا

نبدأ بمكونات خلطة الحشو:

 * الحشوه النباتى :
بصل مقطع ناعم + أرز مغسول + شبت وبقدونس وكسبره مقطعين رفيع +عصيرطماطم + معجون الطماطم + ملح وفلفل وجنزبيل وبهارات مشكله + سُماق .

 * حشوه باللحم :
لحم مفروم نئ + الحشوه السابقه بدون عصير الطماطم و صلصه الطماطم.

الطريقه:

فى طريقتين : الأولى .. اننا نضع كل المكونات مع بعض ونبدأ الحشو مباشرة.
                  الثانيه .. نشوح البصل ولما يدبل نضيف عليه عصير الطماطم لحد ما تتسبك ( تتقل ) ونطفى النار ونضيف الارز والشبت والبقدونس والكسبره ومعجون الطماطم والتوابل .. ونبدأ الحشو.

* الطريقه الأولى بيكون طعمه حلو جداااا وخفيف .
   الطريقه الثانيه بيكون الطعم حلو جدااااااااااا بس تقيل على المعده بسيط.

خطوات الحشو .. الصور هتوضح الطريقه..
















هنا الصوره من النت مجمعه الخطوات ..

نبدأ نصرها ( نصفها ) فى الحله بالشكل المفضل والأسهل لكى .. 
* فى قاع الحله ( الطنجره ) نضع أعواد ورق العنب وسيقان الكسبره والشبت.. او بصل حلقات وممكن بطاطس متبلين بملح وفلفل وسُماق .




 وهنا الطبقه الأخيره .. أخيراااا الحمد لله


 نضيف عليه الشوربه ( المرقه ) انا بحب استخدم شوربة فراخ بيتى بتدى طعم تحـــفه
ممكن نضيف ماء عادى بس نتبله بملح وفلفل كأنه شوربه.
ونضيف عصير ليمون او قطع ليمون كامله .. ممكن الاستغناء عن الليمون بس بصراحه بيفرق فى الطعم بيعطى مزازه جميله.


 نضع عليه طبق بحجم الحله .. ثم نضع الغطاء ونتركها على نار عاليه حتى الغليان وبعدين نهدى النار لحين تمام السوا.

* انا فى بداياتى مكنش بعمل خطوه الطبق بس لما شفتها كتــيـر قلت اجربها ..اكتشفت انها بتعمل على ان المحشى يفضل محتفظ بشكله واحكام لفته .


بعد التسويه نتركه يهدى شويتين وبعدين نقدمه .




وبألف هنا