طريقة عمل الكشرى

طبق الكشرى المصرى المتـيــــــــــــــــــــــــــــــن.

مهما كانت درجة جوعك لازم هيشبعك.

طبق نباتى 100%.

المكونات:

* أرز + شعريه.

* مكرونه.

* عدس بجبه.

* بصل + دقيق + نشا (كورن فلاور)

* صلصة طماطم + ثوم + ملح + كمون + كسبره جافه (حبوب الكسبره المطحونه)

* ثوم + خل + كمون + كسبره جافه.

الطريقه:

نغسل العدس ونضيف له الماء ونضعه على النار لينضج.

* أحيانا نحتاج لنقع العدس قبلها بساعه .

بعد نضج العدس نضيف له الملح والكمون و 1 ملعقة طعام زيت ويقلب ويترك جانبا.

لعمل بصل الكشرى المقرمش.. نقشر البصل ونقطعه لنصفين ونزيل قلب البصله بهذا الشكل ونقطع الجزء الكبير شرائح رفيعه (جوانح).

لن نستخدم هذا الجزء الصغير لأنه بعد التقطيع هيكون صغير جدا وعند التحمير ممكن يتحرق.

نرش على البصل خليط متساوى من الدقيق والنشا ونقلبها حتى نتأكد من تغطية كل شريحه بالدقيق .

نقلى البصل فى زيت غزير . وهيكون ان شاء الله مقرمش ومهما تركتيه لن يصبح طرى.

نسلق المكرونه ( انا عملت نوعين اسباجتى ومقصوصه صغيره).

ثم نعمل أرز بالشعريه.. الطريقه هنا  أرز مصرى بالشعريه .

لعمل صلصة الكشرى ودقة الثوم بالخل ... نفرم بعض فصوص الثوم مع الملح والكمون والكسبره.

لعمل الصلصه:

نأخذ جزء من الثوم المفروم ونحمره فى 2 ملعقة زيت

* أنا بستخدم الزيت اللى حمرت فيه البصل بيعطى طعم أحلى للصلصه.

ثم نضيف له عصير الطماطم ونتركها تغلى حتى تتقل ( تتسبك )

لعمل الدقه:

نأخذ الجزء الآخر من الثوم المفروم ونضيف ععليه ثلث كميه خل وثلثين ماء .. ممكن نص خل ونص ماء على حسب الذوق.

فى طبق التقديم نضع طبقه من الأرز ثم المكرونه ثم العدس ثم الصلصه وأخيرا البصل .. ويقدم معه طبق الصلصه والدقه.

وبألف هنا وشفا

ملاحظات

* ممكن اضافة حمص للطبق..طعمه بيكون حلو اوى ..بس انا مكنش عندى.

* قلب البصل اللى نزعناه فى الأول يُقطع ويوضع فى كيس او برطمان محكم الغلق فى الفريزر ...يستخدم فى التتبيلات المختلفه .

طريقة عمل بيتزآ بالبسطرمه

كل الأطفال يحبون البيتزا بكل انواعها تقريبا

لزيادة الفائده لأطفالنا نصنع البيتزا بكل ما هو مغذى وغالبا يرفضه اطفالنا ..لبن و بيض و قشطه و فلفل ألوان 

وطبعا مع شكل البيتزا المحبب واضافة الكاتشب لن يلاحظ الأطفال طعم كل الفوايد المضافه .

المقادير 

3 كوب دقيق

1/2 كوب قشطه (قشده)طازجه أو زبده

1 بيضه

1 كوب لبن (حليب)

1 كوب زبادى ( روب) (لبن)

1 ملعقه كبيره خميره فوريه + 1ملعقه كبيره سكر

1 ملعقه كبيره ملح

فى وعاء نضع الخميره والسكر و قليل من اللبن او الماء ونتركهم حتى يتفاعلو قليلا( ستضهر فقاعات على الوجه)

ثم نضيف الزبادى والقشطه واللبن والبيضه ونخلط قليلا ثم نضيف 1كوب دقيق ونخلط 2 دقيقه على الأقل 

ونتركها تخمر 

ثم نضيف هذا الخليط على باقى كمية الدقيق المضاف لها الملح ونعجن كويس جدااااااا

على الأقل 5 دقايق ولو 10 يكون افضل دى الصوره فى اول العجن

وهذه صورة العجين بعد العجن 10 دقايق

ندهنها زيت خفيف و نغطيها و نتركها تخمر ..هذا شكلها قبل التخمير

وهذا شكلها بعد التخمير 

فى أثناء التخمير نحضر المكونات اللتى سنضعها على الوجه ( التوبينج)

بدون مقادير محدده

صلصة بيتزا( طماطم +بصل +قرنفل +زعتر جاف+ثوم+ ملح +فلفل اسمر يتركو على نار هادئه حتى تمام السوا ثم نخفقهم فى الخلاط حتى يصبحو معجون ثم يضاف لهم سكر وخل)

جبنه رومى 

زيتون شرائح

بسطرمه

فلفل الوان مقطع مكعبات

بصل (بصله نجمدها فى الفريزرحتى لا يصبح بها الطعم الحامى للبصل ثم نقطعها مكعبات او جوانح.

نفرد جزء من العجين على مقاس الصينيه المطلوب

نضع قليل من الدقيق (نرش خفيف)على الصينيه _ بدون زيت_ دقيق فقط

ثم نضع عليها العجين المفرود وندهنه بالصلصه ونضع المكونات نوع تلو الآخر

ثم ندخلها فرن حامى (أعلى درجة حراره) فى الأسفل ( بالقرب من النار مباشرة) 10دقائق فقط ممكن بعدها ندخلها الشوايه او نكتفى بذوبان الجبن وتحمير اطراف العجين

و بألف هنا وشفا

عمل الأرز المصرى بالشعريه ( رز بالشعريه)

طبق رز تجده فى كل البيوت المصريه .. يعنى ( متعرفش تاكل من غيره).

سهل جدااا ويقدم مع كل أنواع الخضار المطبوخ.

المقادير:

تكفى 3 أشخاص.

2 كوب أرز مصرى مغسول ومنقوع.

2 ونصف كوب ماء ساخن.

1/2 كوب شعريه ( ممكن تزيد حسب الرغبه)

1و1/2 ملعقه صغيره ممسوحه ملح.

1 ملعقه طعام سمن + 2ملعقة طعام زيت.

الطريقه:

نحمر الشعريه فى الزيت والسمن حتى تصبح ذهبية اللون.

ثم نضيف الأرز المغسول والمنقوع بعد تصفيته ونقلب جيدا حتى يسخن الأرز مع الشعريه ونضيف الملح.

نضيف الماء الساخن.

ثم نغطى الوعاء ونهدىء النار على أقل درجه ممكنه ونتركه 10 دقائق ( او حتى تمام النضج). 

وبألف صحه وهنا.

ملاحظات 

** كمية الماء تساوى كميه الأرز + نصف كوب .

** لو كان الأرز منقوع من قبل يضايف الماء ساخن ..أما لو كان مغسول فقط وغير منقوع يضاف ماء فاتر من الصنبور (الحنفيه) مباشرة ولا نهدى النار الا بعد غليان الماء مع الأرز.

** يمكن استبدال الزيت بالسمن أو استبدال السمن بالزيت ..لكن خلط النوعين أفضل

السمن يعطى طعم  والزيت يجعله مفلفل ( مش ملزق فى بعضه).

** الملح بيختلف من نوع لآخر فالمقياس هو التذوق ..يكون الماء مالح خفيف.

اصنعى الوان قابله للأكل

كلنا بنحب التلوين وبنفرح لما اولادنا يتعلموا يمسكو القلم ويبدأوا الشخبطه الظريفه ...لكن بنكون مرعوبين لو وضعوا القلم فى افواههم ..الموضوع ده فيه 3 طرق لصنع الألوان اول طريقه فقط هى القابله للأكل .. لكن الطريقتين الأخرتين آمنين فى اللعب لكن لا يأكلو..
استمتعوا وأمتعوا اطفالكم.

الطريقه الاولى

تاخذ هذه الطريقه 10 دقائق لاعدادها وتتميز بسمك الالوان ويمكن تنظيفه بسهوله

المكونات

1 كوب دقيق ذره او النشا

  3 كوب ماء

1 معلقه صغيره ملح

الوان طعام

برطمانات لحفظ الالوان

الطريقه

نضع النشا والملح فى وعاء ويضاف الماء ببطء على نار هادئه 

مع  خفق الخليط حتى يتماسك

وبعد الوصول لهذه المرحله يترك الخليط ليبرد ونقسم الخليط ونضع الالوان المطلوبه

وبمجرد الانتهاء من اللعب يحفظ فى الثلاجه لعده ايام

الطريقه الثانيه

تحضر فى 5 دقائق

المكونات

1 / 2 كوب من الدقيق العادي

2 كوب ماء

1 ملعقة طعام من الملح

تلوين الطعام

1 ملعقة طعام من الصابون السائل

برطمانات للحفظ

نفس الطريقه السابقه وعندما يبرد نضع الصابون ونقسمه ونضع الالوان 

الطريقه الثالثه

تحضر فى 10 دقائق

المكونات

1/ 2 كوب من الدقيق العادي

1 / 2 كوب دقيق الذرة / نشا الذرة

2 1 / 2 كوب ماء

بجانب ماء اضاففى لذياده رقه الالوان

1 ملعقة طعام من الملح 

تلوين الطعام

1  ملعقة طعام من الصوبون السائل

  

 الطريقه

نضع كميه الدقيق مع النشا والملح فى وعاءونضع ½ كوب مياه فقط ونخلطه جيده حتى تتكون عجينه سميكه

ونضع العجينه على نار هادئه واضافه 1 كوب مياه مع التقليب المستمر حتى لا تتكتل العجينه وتصبح ناعمه ومتماسكه نرفعها من النار ونضع ½ ك مياه للان العجينه ممكن ان تحتاج المزيد من المياه لتصبح سلسه

ونتركها لتبرد ونضع الصابون السائل ونقسمها ونضع الالوان

وبس كدا واسيبكم مع صور الاطفال

المصدر ..مدونة حلم أم

E n j o y