مع الجبنه ... مع الفول ... مع الشاورمه ... مع أى حاجه ..ولو لوحده طعمه جناااااااااااااااااااان.
المقادير:
* 1 كيلو دقيق (طحين)
*1 كوب زبادى(لبن - روب)
*1 م ك خميره.
* 2 م ك سكر (أوعسل نحل)
* رشة ملح.
* 1 كوب ماء دافئ.
الطريقه:
نخلط الخميره + السكر + الزبادى + ربع كوب ماء + نصف كوب دقيق فى العجان او الخلاط جيدا ثم نتركها لتخمر 10 دقائق.
نضيف الملح للدقيق ثم نضيف مزيج الخميره ونبدأ فى العجن .
ونعجن مده لا تقل عن 15 والأفضل نص ساعه ..هنا شكل العجين فى بداية العجن وكان جاف احتاج لزياده ماء. والثانيه بعد العحن 30 دقيقه.
نتركها تخمر مده لا تقل عن 45 ولا تزيد عن ساعه. ثم نقطعها ونشكلها كُرات (طابات) .
ونبدأ بفرد كل كُره. على شكل الرغيف.
نضع الرغيف على قطعة قماش نظيفه (أنا استخدمت طرحه) و نثنى عليه القماش ثم نضع فوقه الرغيف الثانى وهكذا حتى ننتهى من العجين كله.
هنا تبدأ مرحلة الخبز.. نسخن الفرن على أعلى درجه ونضع بداخله صنيه او صاج ليسخن ثم نضع أول رغيف تم فرده ونغلق باب الفرن ونتركه حوالى 4 دقائق سيبدأ عندها فى الانتفاخ نتركه حوالى دقيقتين ليكتمل نضجه ثم نخرجه ونضع غيره.
ملاحظه.. انا خبزت فى الفرن الكهربائى ايضا على اعلى درجه ولأنه يعمل فرن وشوايه فالرغيف أخد لون من فوق.
وهنا شكل الرغيف من الداخل... رقيق وطرى.
وهنا شكل العيش بعد ما انتهيت من الخبز .. كله منفوخ وجميل.ما شاء الله.
وده رغيف طلع شكل القلب .
ملاحظه .. حتى يكون شكل الرغيف دائرى .. نلفه اثناء الفرد زاويه 90 درجه حتى يتساوى الفرد من جميع الجهات .. والصور هتوضح الطريقه بسهوله.
نضع يد على الرغيف بهذا الشكل ثم نلفها لأعلى . وبذلك نكون لفناها 90 درجه.
وبألف هنا وشفا
