الثلاثاء، 21 مايو 2013

طريقة عمل الزبادو البيتى - ميلك شيك بالزبادى



صحى جداااااا واحلى وانضف من الجاهز.. وطبعا نغير الفاكهه للحصول على الطعم المُفضل . 
المكونات:
لكل كوب لبن كوب زبادى (طريقة عمل الزبادى) +نصف كوب من الفاكهه المُفضله .
انا استعملت خوخ واحيانا بعمله بالمانجه او المشمش او عصير كمبوت الأناناس او كاكاو.. ممكن نضيف سكر او عسل حسب حلاوة الفاكهه .



* يجب تقشير الفاكهه قبل اضافتها.. كل المكونات فى الخلاط ثم يُصب ويقدم.



بألف هنا وشفا. 

الاثنين، 20 مايو 2013

طريقة عمل الكبيبه بدون لحم



طعمها تحفه متفرقش عن الكبيبه العاديه... ولو الكبيبه بتتفتح (بتفك) منك اثناء القلى بالطريقه دى استحااااااله تفك ابداااااااااا.

المكونات:
1 كوب بقسماط مطحون .
نصف كوب ماء مُذاب فيه 3 ملاعق كبيره نشا (كورن فلاور).
البهارات حسب الذوق .. انا اضفت لها بهارات لحم + قرفه+ فلفل اسمر وطبعا ملح.
نعجن كل المقادير مع بعضها جيدا .. 
*ممكن تحتاج ماء اكثر او أقل .



نبدأ نشكلها للحشو .
الحشو حسب الذوق ممكن جبنه - لحم معصج - فراخ - خضار مشكل .. 



*فى هذه المرحله ممكن وضعها فى الفريزر حتى تتجمد ثم ننقلها لكيس بلاستيك.. ونقليها وهى مجمده.

 نقليها فى زيت غزير ساخن على نار متوسطه لفوق المتوسط. ونصفيها على ورق مطبخ. 


*اضافه عجبتنى ... عصربعض نقط ليمون داخل الكبيبه المحشيه لحم مفروم اثناء الاكل تعطيها طعم تحــــــــــــــفه.

وبألف هنا وشفا.