طريقة عمل بيتزآ البطاطس

أكله ظريفه جداً تنفع فطار او عشا .. أو حتى مُقبلات فى اى عزومه.

المكونات:

*بطاطس متقطعه حلقات ( البطاطس عندى كانت رفيعه فقطعتها بالطول )

* جبنه موتزريلا - سوسيس 

* سبانخ فريش ( طبعا مفيش فى الصيف فاستخدمت جرجير)

* جبن رومى أو قشقوان.

الطريقه :

نضع المكونات بأى ترتيب على ان تكون الموتزريلا اول طبقه علشان تلصق كل المكونات الباقيه بالبطاطس. توضع على ورق زبده حتى لا تلتصق.

نضعها فى فرن ساخن جدا على اعلى درجه.. حتى يتحمر قاع البطاطس .

وتقدم مع بيض مقلى .. 

*ملاحظه .. انا دهنت البطاطس بزيت الزيتون على الوجهين لكنها مش محتاجه كفايه دهن القاعده بزيت خفيف جدا ( باستخدام منديل ) لضمان عدم التصاقها.

وبألف هنا 

طريقة تنظيف الخلاط او الكيتشن ماشين

بحب اطبخ جداااااااا بس بكره تنظيف المطبخ جدااااااااا جدااااااااااااا .

فبحاول ادور وأبتكر طرق تسهل عليا التنظيف .. واكتشفت الطريقه المذهله دى ..

المناديل المبلله المعطره (الوايبس wipes ) .عبقريه فى التنظيف ومن غير مايه ولا خوف ان الجهاز يتسرب داخله مايه او منظف ويبوظ.

الصور خير دليل.

.

بودنج الكراميل ( مهلبية الكراميل)

طعم رقيق ويذوب فى الفم.

سهله وغير مكلفه بالمره..

المكونات:

1 ملعقه كبيره زبده -3/4 كوب سكر -2 كوب لبن حليب - 2 ملعقه كبيره نشا (كورن فلاور) - 1كوب كريمه سائله (انا استخدمت قشطه اللبن الحليب)

الطريقه:

فى وعاء نضع الزبده والسكر ونتركم ليذوبوا ويصبح لونهم ذهبى .

نصل لهذا اللون.

نضيف الكريمه السائله .. هنلاحظ انها هتكون كتل زى دى .. لكن مع التقليب المستمر هتدوب كلها ..

نقلب حتى نصل لهذا القوام.. مثل البشامل. 

هنا نضيف اللبن الحليب المذاب فيه النشا ..مع التحريك المستمر على نار متوسطه.

حتى نصل لسُمك المهلبيه المطلوب .. نضعها فى صحن التقديم .. وتترك لتبرد ثم توضع فى الثلاجه 2 ساعه على الأقل. 

نزينها بصوص الشيكولاته وتقدم ..

وبألف هنا .