الثلاثاء، 18 يونيو، 2013

طريقة تنظيف البوتاجاز ( الموقد ) بالصور



من اسخف الاشياء فى المطبخ تنظيف البوتجاز .. لكن لو اتعمل بانتظام هيكون سهل جدااا.. يعنى المفروض انه لا يصل للمرحله التى سنراها هنا لكن يتنظف اول بأول.
-انا بستخدم مستر ماسل لتنظيف البوتجاز بجد رااااااااااائع .. بيسهل الشغل جدا ومش بحتاج دعك ( فرك ) كتير .
لكنه لا يستخدم مع عيون البوتجاز لأنه بيطفى لمعتها .. لذلك بعملها خلطة مسحوق سائل للصحون + كربونات ( بيكنج صودا ) وماء ساخن لدرجة الغليان.

 ** ملاحظه هااااااااامه جداااااااااا ..يجب ارتداء جوانتى ( قفازات ) اثناء العمل  
   و   خاصة مع منظفات قويه مثل مستر ماسل .. وحتى لو لم يتم استخدامه يجب 
   ارتداء القفاز للحفاظ على يدك .

الصور هتوضح الخطوات...

هنا شكل البوتجاز قبل التظيف .المفروض انه لا يصل للمرحله دى . المفروض تنظيف يومى ومسح اى شئ يقع عليه أول بأول .. انا تركته بالمنظر ده علشان يبان الفرق فى الصور.



هنا نقعت كل العيون فى خليط الصابون السائل والكربونات والماء المغلى وتركتهم حوالى ربع ساعه.

 وهنا خرجتها من الماء علشان نبدأ الشغل .. 
* العين لاتزال ساخنه من حرارة الماء وده مطلوب لسهولة التنظيف.


 طبعا واضحه البقع ..


 وهنا هنبدأ ندعكها بالسلك..


 بحركه بسيطه جدا نضفت بالشكل ده.


 وهنا كملتها كلها.


 وهنا واحده تانيه .. زيادة تأكيد .


 طبعا الفرق واضح.


وده شكلهم بعد الشطف جيدا والتجفيف


 نبدأ فى سطح البوتجاز والحوامل .. انا بضع مستر ماسل عليه كله .. لو مستر ماسل غير متاح بالصابون العادى بس هياخد مجهود اكتر.


 انا بغسل الحوامل وهى على البوتجاز بتكون اسهل كتير .وبعد ما ادعكها كويس اشطفها فى الحوض .


وهنا بوقفها علشان ادعك الجهه الخلفيه


اثناء دعك الحوامل وشطفها بتكون كل الدهون ذابت .


 بحركه بسيطه بالليفه بينضف بالشكل ده . 


 هنا بعد ما دعكت كل البوتجاز.


 لشطف سطح البوتجاز ..يجب اولا مسح اثار الاوساخ والصابون بمناديل المطبخ او فوطه شرط انها تكون جافه .. الخطوه دى هتسهل الموضوع جداااااااااااااااااااااا.

هنا انا مسحت بمنديل جاف فقط .. ولسه هنضف تانى بفوطه مبلوله وبعدها اجففه.


 بعتذر ان الصوره مائله .. هنا زجاج البوتجاز وكل ما اصوره اظهر انا فى الصوره فقلت اصورها بميل بدل ما تتخضوا هههههه.


 كررت نفس الخطوات السابقه.. مسحته بمستر ماسل و فوطه جافه وبعدها فوطه مبلوله واخيرا جففته.

 وهنا شكله بعد التنظيف والتجفيف.


فاكرين شكله فى الأول ..بلاش احسن 


نظفت العين من الداخل .. حاجات صغيره بس بتفرق فى النفسيه كتير.


احنا بنسميها الطربوش .. لو اسمها عندك مش كده يبقى شوفى الصوره وهيا البتاعه دى بننقعها فى صابون سائل وخل .


 وندعكها بالسلك.





 وأخيراااااااااا.





 ولا ننسى جوانب البوتجاز. لازم تبقى مرايه.


وطبعا المقابض .. ودى لازم يوميا تتطهر بفوطه نظيفه وشوية خل او ديتول او مستر ماسل الأبيض. 






حمدا لله على السلامه.

‏هناك 6 تعليقات:

  1. بسم الله ماشاء الله تسلم الايادى بجد رجع كانه جديد هتتحسدى يا شطورة ماشاء الله

    ردحذف
    الردود
    1. تسلمى على ذوقك . هههههههه هتحسد على ايه مستر ماسل اللى عامل الشغل كله ههههههههههه ... ربنا يبعد عنك وعنى كل شر.

      حذف
  2. الردود
    1. ويبارك لك يا ولاء ... شكرا :)

      حذف
  3. هههههههههههههه انتي رهيييييبه تسلم ايدك وماشاء الله عليكي وعلي خفة دمك

    ردحذف
  4. تسلمى .. ربنا يخليكى . بصراحه بعد ما البوتجاز بينضف والمطبخ يتقفل المزاج بيبقى عااااالى جدااااا هههههه

    ردحذف