أنا بعتبرها البديل الصحى والطبيعى للأندومى .
سهله جداااا وخفيفه وطعمها رااائع.
المكونات:
*1 بصله صغيره مبشوره او مُقطعه صغير .
* بطاطس مُقطعه مكعبات.
* بسله .
* جزر مٌقطع مكعبات .
* فاصوليا خضراء مُقطعه صغير .
* كوسه مُقطعه مكعبات .
* مكرونه أى شكل تفضليه.
* شوربة فراخ طبيعيه ( مش المرقه الجاهزه زى كنور او ماجى ).
* بودرة ثوم وبودرة بصل ( ممكن الاستغناء عنهم بس بجد طعمهم بيفرق جدااااااا )
الطريقه:
نشوح البصله فى قليل من السمن او الزيت على نار هاديه حتى تذبل لكن لا تتلون.
نضيف الخضار بهذا الترتيب
البسله والفاصوليا ونقلب 2 دقيقه
ثم الجزر ونقلب 2 دقيقه
ثم البطاطس ونقلب 2 دقيقه ثم الكوسه ونقلب 1 دقيقه ثم نضيف الشوربه و نزيد النار حتى تغلى ثم نضيف المكرونه والملح وبودره البصل وبودرة الثوم ونقلب ونتركها حتى تنضج مع التقليب كل فتره حتى لا تلتصق المكرونه.
** ملاحظه
لو ضيفتى مكرونه اسباجتى رفيعه بتبقى شكل الأندومى اكتر من اى نوع مكرونه تانى .. مع ملاحظه انك تضيفى المكرونه نيه ( غير مسلوقه او محمره )
ممكن الأستغناء عن خطوة البصل وبيكون طعمها حلو بردو.
لو تحبى تضيفى كل الخضروات مع بعضها ممكن لكن فى هذه الحاله يجب مراعاه فروق التقطيع ( الكوسه مثلا تقطع اكبر لأنها تستوى أسرع).
بألف هنا وشفا .
ليست هناك تعليقات:
إرسال تعليق