شاورمة اللحمه اللى كلنا بنحبها وخصوصا الأطفال..
انا جربت طرق كتيـــــــــــر اوى لكن دى طعمها فعلا زى المحلات بالظبط..
اتعلمتها من الشيف شربينى فى كل بلد اكله.
المكونات:
لحم كندوز ( انا بعملها بالبفتيك ) مقطع شرائح رقيقه + شرائح من لية الخروف ( دهن ذيل الغنم) .
التتبيله ... بصله صغيره مبشوره + ملح+ فلفل+ 2ملعقه كبيره خل+ بهارات+ بودرة ثوم وبصل.
بصل وفلفل رومى وطماطم وبقدونس ( نسيت اصوره).
نتبل اللحم بخليط التتبيله مش اقل من 6 ساعات ..انا بتبلها من قبلها بيوم واحيانا يومين... او اتبلها واحفظها بالفريزر ويوم الأستخدام اخرجها من الصبح.
فى طاسه ساخنه جدا وبدون زيت او سمن نضع كميه قليله من اللحم ونقلبها جيدا حتى تتحمر .ثم ننقلها فى طاسه اخرى ساخنه ولكن على نار اهدى قليلا .
* الكميه القليله ستحافظ على حرارة الطنجره وستحول دون خروج الماء من اللحم.
* نقلها فى طاسه اخرى حتى تحافظ عليها ساخنه ويكتمل سواها لو لم تكن استوت جيدا.
وده شكل خط الانتاج .. اللحم النى بجواره طاسه التسويه وخلفه طاسة التسخين..
عمليه سهله 100%.
بعد الآنتهاء من كل كمية اللحم ..نحمر فى طاسة التسويه البصل والفلفل ليذبلوا فقط دون لون.. ثم نضيف الطماطم ونتبلهم بالملح الخفيف والفلفل ثم نضيف الشاورمه وعليها البقدونس.
* انا بحب اضيف للبصل والفلفل الأخضر 1 ملعقة خل لأنها تُسهل خروج كل الطعم الملتصق بالطاسه من تحمير اللحم ..لكن لو الطاسه اتحرقت زياده يبقى تغيريها افضل.. احيانا بيحصل كده لو كمية اللحم كانت كتيره.
ثم يوضع فى السندوتشات وعليه سلطة الطحينه.
وبألف هنا وشفا
ليست هناك تعليقات:
إرسال تعليق