الثلاثاء، 25 فبراير 2014

طريقة عمل مكرونه بالبشامل ( بدون لحم )



المكرونه بالبشامل .. عشـــــــــــــــق لا ينتهى .

 المكونات :
1/2  كيلو مكرونه ( أى نوع ) مسلوقه .
كوب بسله بالجزر مسلوقه .
1 لتر شوربه دجاج .. أو لبن .
6 ملاعق طعام دقيق .
ملح وفلفل وجوزة الطيب 
أى نوع جبنه ( موتزريلا - مثلثات - رومى - شيدر ) او خليط منهم جميعا ..

 الطريقه :
نسلق المكرونه3/4 سوا .. أنا سلقت معاها البسله والجزر لأنهم كانوا طازه مش مجمدين.

ثم نصفيها جيدا ولا نغسلها .. النقطه دى مهمه اننا منغسلش المكرونه ..أولا علشان متبردش ثانيا لأن النشا اللى فيها هيساعد فى تماسك قطعة المكرونه عند التقديم . ونرجعها تانى للحله اللى سلقناها فيها .


البشامل هنعمله أثناء سلق المكرونه .. نضع الشوربه أو اللبن + الدقيق فى حله بعيدا عن النارونقلبهم جيدا حتى يذوب الدقيق تماما .. ثم نضعه على النار مع التقليب المستمر حتى يغلظ القوام ويبدأ فى الغليان فنرفعه عن النار . انا بحبه خفيف شويه مش تقيل لو عايزاه اتقل زودى معلقه دقيق أو معلقتين . نظبط الملح والفلفل ورشه صغيره جوزة الطيب ( بتفرق فى الطعم جدااااا ) .. ممكن هنا نضيف الجبنه .. بس انا بحبها على الوش .


نضع ثلث كمية البشامل على المكرونه ونقلبها 


ندهن الصينيه أى ماده دهنيه ونضع فيها المكرونه . ثم نضع باقى البشامل على الوجه ثم نضيف الجبنه . ممكن هنا نغلفها ببلاستك وندخلها الفريزر لوقت تانى .. بس عند التسويه نتركها تفك تماما ثم تدخل الفرن عادى .



تدخل فرن ساخن حوالى 1/4 ساعه ثم  ننقلها تحت الشوايه لتلوين الوش . أنا بحب أعمل البشامل فى نفس وقت سلق المكرونه علشان يبقى كله سخن ومتاخدش وقت فى الفرن . 


ممكن تضيفى أى نوع خضار غير البسله والجزر طبعا .. وأكيد ممكن تتعمل باللحمه المفرومه المعصجه .. او بالدجاج .. أو بالسجق الشرقى مثلا .. أو بالسوسيس .. أو ساده من غير أى حاجه .

وبألف هنا




ليست هناك تعليقات:

إرسال تعليق