الرنجه عباره عن سمك مملح ومدخن
طعمه حلو جدااااا.
متواجد طول العام لكن فى مصر موعده الرسمى يوم شم النسيم .
المكونات:
سمك الرنجه - ليمون - بصل.
الطريقه:
توجد طريقتان ..
الأولى ... نشوى الرنجه بتمريرها على لهب النار مباشره بدون حائل.
طعمها حلو لكن تتركز فيها نسبة الملح جدااااا.
الثانيه.... نسلق الرنجه بتمريرها فى وعاء به ماء مغلى.. نغلى الماء ونمسك السمكه من طرفيها ونمررها فى الماء .مثل الصوره.لا نتركها فى الماء فقط نمررها من الجهتين بضع مرات حتى يتفتح الجلد هكذا.
فى هذه الطريقه نسوى الرنجه بدون الاحتفاظ بالملح ودون تغيير فى الطعم..وهى طريق جيده لمن يعانى من الضغط المرتفع .. او من لا يفضل الملح.
بعد سلقها نبدأ بنزع الرأس... ثم فى تقشير الرنجه... ونزع الشوك (الحسك) وكذلك نزع الاحشاء ( البطن)وهى غالبا تكون البطارخ والكبد فقط.
حتى تصبح نظيفه بهذا الشكل.
الآن نضيف عليها عصير الليمون .. انا بحب الليمون كتيــــــــــــــر .. فبضيف 2 ليمونه كبيره لكل سمكه.. ممكن الاكتفاء بهذه الخطوه وبتكون جميله .. لكن فى الزياده إفاده فبحب اضيف بصل مكعبات وفلفل حامى ( بيكون رااااااااااااااائع ) وياسلام لو شوية شطه بتبقى احلى واحلى مع رشة زيت خفيفه وملعقه صغيره خل.
* انا قطعت عليها بصل اخضر لأن كان عندى كتير.
* احيانا بضيف كمون ( رشه خفيفه اوى).
وبنزينها ونقدمها مع العيش ( الخبز)..طريقة عمل الخبز هنا
وطحينه خام ( اى بدون اى اضافات).... وخيار وطماطم وبصل أخضر.
ومننساش البطارخ والكبده..
وبألف هنا وشفا
ليست هناك تعليقات:
إرسال تعليق